നാദാപുരം
ഗ്രാമ പഞ്ചായത്ത്

നാദാപുരം – സാമൂഹിക ചരിത്ര പശ്ചാത്തലം വടക്കൻ വീരഗാഥകളുടെ ആവേശവും പുളകവും നിറഞ്ഞ നാടാണ് നാദാപുരം. പുറമേരിയിലെ കടത്തനാടൻ കൊട്ടാരങ്ങൾക്കും കുറ്റിപ്പുറം കോവിലകത്തിനുമിടയിൽ നീണ്ടുനിവർന്നു കിടക്കുന്ന വിശാലമായ പ്രദേശത്ത് കളരിപ്പയറ്റിന്റെ പാരമ്പര്യത്തിന്റെയും അങ്കത്തട്ടുകളുടെയും ചരിത്രം ഇന്നും നിലനിൽക്കുന്നു. നാദാപുരത്തിന്റെ സാമൂഹികവും സാംസ്കാരികവുമായ ചരിത്രം വടക്കൻ മലബാറിന്റെ പൊതുചരിത്രവുമായി അഭേദ്യമായി ബന്ധപ്പെട്ടിരിക്കുന്നു. 1969-ൽ പ്രസിദ്ധീകരിച്ച ഡോ. ഹെർമൻ ഗുണ്ടർട്ടിന്റെ മലയാള രാജ്യം ചരിത്രത്തോടുകൂടിയ ഭൂമിശാസ്ത്രം എന്ന കൃതിയിലും നാദാപുരത്തെക്കുറിച്ചുള്ള പരാമർശങ്ങൾ കാണാം. കുരുമുളക് കൃഷിയിലൂടെ സമൃദ്ധമായിരുന്ന നാദാപുരം ഇരുപതാം നൂറ്റാണ്ടിന്റെ ആദ്യ ദശകങ്ങളിൽ പ്രധാനമായും ഒരു കാർഷിക ഗ്രാമമായിരുന്നു. പിന്നീട് ദേശീയ പ്രസ്ഥാനത്തിന്റെ സ്വാധീനവും സാമൂഹിക നവോത്ഥാന പ്രസ്ഥാനങ്ങളും ഇവിടെ വലിയ മാറ്റങ്ങൾക്ക് വഴിയൊരുക്കി....